Mon-Fri 0800 to 1700
Sat 0900 to 1300

Tel: +267 492 2316
Fax: +267 492 2330

sales@majokahardware.com
Along Main Road, Palapye Road

Join Us

 

 




Thursday, 02 June 2016 10:08

MAJOKA DONATES TO THE ELDERLY

Written by
Rate this item
(0 votes)

SEROWE - Kereke ya New Apostolic Church in Zion kwa Serowe e agetse Mme MmaTora Kesitegile yo e leng mogodi mo kerekeng eo ntlo ya madi a a ka tshwarang P20 000.

Kwa moletlong wa kabo ya ntlo e semmuso, e e nang le karolo ya botlhapelo le mabolokelo mo kgotleng ya Mothudi, mokhanselara wa kgaolo ya Newtown Mme Keotogele Kerebotswe o ne a tlhalosa gore mangwe a maikarabelo a magolo a dikereke ke go fa lerato, go tlhokomela, go fa bogakolodi le bokaedi tse ba New Apostolic Church in Zion ba di diragaditseng ka letsatsi le.

Mme Kerebotswe o ne a supa fa tota a itumeletse go bo phuthego ya kereke eo e ne ya ema ka dinao go diragatsa kopo ya ga Tautona wa lefatshe leno Lt. Gen. Seretse Khama Ian Khama ya mowa wa kutlwelobotlhoko le go lebela dilo kwa pele.

O ne a tlhalosa gore tiro e ga e supe gore kereke e na le madi madi, mme ke maiteko a go imolola puso morwalo wa go phakisa ba ba tlhokileng lesego le go ba agela matlo, a re maiteko a a tshwanetse go nna thuto mo go babangwe gore fa go twe ka ngwaga wa 2016 Batswana botlhe ba bo ba nna mo bonnong jo bo lolameng e bile ba na le seriti se se itumedisang go tewa jaana.

O ne a kgothatsa bareetsi ba gagwe gore mo nakong ya gompieno ga go a lekana, ba tswelele ba abe mme a re ba supe lerato ka go diragatsa molawana wa baebele o o reng rata mongwe ka wena jaaka o ithata.

Ko baneng ba ga nkoko MmaTora yo o tshotsweng ka ngwaga wa 1912, o ne a kopa gore ba tlhokomele mpho e ka go mo phepafaletsa le go mo tlhatswetsa.

Moruti Rev Thebe Mathake o ne a supa fa ba kgobokantse madi a kago e ka koleke, go dira maitiso le go kopa dithuso.

Tiro ya go aga e simolotswe ka kgwedi ya Phalane e le lesome le botlhano mme e tsere dikgwedi tse pedi fela go e rolela mong wa yone.

A re le fa ba tlhaetse go gokela motlakase le go ala dithaele fa fatshe ba leboga mopalamente wa kgaolo ya Serowe Botlhaba Rre Dikgakgamatso Seretse go bo a ba thusitse ka go reka dibata tsa tlhotlhwa ya P3600.

Ba leboga ba marekisetso a Majoka Hardware ba ba thusitseng ka disenke, ba Food Botswana ka dikgetsi tsa semente le ba bangwe.

A re mo kagong ga ba a ka ba duela madi a moagi, ka Moruti Keitirele Nyakane a ne a ithaopa go aga ka diatla tsa gagwe.

Ko moketeng oo mokhanselara Mme MmaKerebotswe o ne a kopa go tsamaisa mogotswana a kokoanyetsa go reka dipitsana le didirisiwa tse dingwe mme a kgona go kgobokanya madi a a fetang P400. BOPA

Read 2277 times Last modified on Monday, 06 June 2016 15:10
More in this category: MAJOKA LAYS FOUNDATION »

Leave a comment

Make sure you enter all the required information, indicated by an asterisk (*). HTML code is not allowed.

Copyright © 2017s Majoka Hardware All rights reserved | Terms & Conditions
Designed And Developed by Ntebogang Technologies